न्युयोर्कमा आयोजित जलवायु सम्मेलनमा नेपालले हिमाली क्षेत्रमा परेको जलवायु परिवर्तनको असरबारे चिन्ता व्यक्त गरेको छ। नेपाली प्रतिनिधिमण्डलले हिमनदी तीव्र गतिमा पग्लिरहेको र यसले तल्लो तटीय क्षेत्रमा जोखिम बढाएको बताएको छ।
प्रतिनिधिमण्डलले जलवायु परिवर्तनमा न्यून योगदान गर्ने देशले बढी असर भोग्नुपरेको तथ्य उठाएको छ। साथै विकसित राष्ट्रले जलवायु कोषमा प्रतिबद्धताअनुसार सहयोग गर्नुपर्ने माग गरेको छ।
सम्मेलनमा अन्य हिमाली मुलुकले पनि नेपालको धारणालाई समर्थन गरेका छन्। हिमाली क्षेत्रका लागि विशेष अनुकूलन कोष स्थापना गर्ने प्रस्तावमाथि छलफल भइरहेको छ।
